海外：パラオ語
“Moumerang, tokuni a lsekum e ng di kau el tang.”
Mla er ngii a beluu el mle ileakl er a beluuelchad, e a meklou e metongakl el rois a liueklii el rokir.
Tia el beluu, a rokui el blai er ngii a ou blil a ngau el tuobed a chat er a bebul a chadou.
A chat a mekdekudem el tuobed er a ika el blai, e oberek er a melidiul el mertii a yeanged.
E ng di mengchat er a tutau el mo klebesei el daik el stob.
A rechad er tia el beluu a mle blart er a chelsel tia el chat,
e diak a chad el medengelii a teletelel a yeanged, e diak a ta er tir el mla mesang.
Dirrek el diak a chad el medengelii el uase ngerang a btuch.
A beluu a mochu er a temel a Halloween.
Te kmo chat a ungil ulsbechall el loriik a mekngit el chelid, e ng di chetul a beluu a kuk kmal mla mo hidoi.
A ta er a sils er a uchei er a Halloween,
Mla er ngii a chad el suebek er a melidiul el oltak a uldurokl a tmuu er tia el chetul a beluu,
e orbetii a chimong er a kokoro el mle kirel oldurokl er ngii.
Ngkmal cheltechat a osengel ngkal chad me ng dimlak el lodengei el ruebet el mo er ker.
Ngulsiik er ngii el mo diak el sebechel, e merko lmuut el suebek el merael.
Popom popom, popom popom, popomy pom pom tia el kokoro.
Tia el reng a ulmomb el mle cheloit er a ikrel a beluu.
Tia el kokoro a rirebet er a bebul a betok el komi er a komi steba el ngara ikrel a beluu.
Betok el bedengel a komi a mlo bereked er tia el kokoro el omomb, e a Komi el Chad a meob.
A btelul a mle mechut el kasa. A telil a mle ua chetul a bediu el koyas ma kasoring.
Ngka el Komi el Chad a mle dechudech e mekngit a bul, e leng di komi el ta el chad.
Se er a el bo el ungil a choderngesel, e ng rongesii a ngerel a kambalang er a chelsel a beluu.
Ngmelechesuar el kmo ngarngii a rechad er ngii el beluu.
Ngka el Komi el Chad a mocha merael el mo er a chelsel a beluu.
Se er a lebo er a beluu, e ng metik a bebil er a monsters.
A ta er a monster a kmo, “Oi, ka kora ngodech a bilem.”
Se er a lobult el omes e ng kabojang monster a mengedecheduch er ngii.
A Komi el Chad a oker, “Kau ke techang?”
A kabojang monster a kmo, “Ngak a mengang a ngau, e tekudel el omekllomes er a Halloween.
Ngak a Jack-o-Lantern!”
Betok el monsters a me keldibel er a bita er a ngka el Komi el Chad.
A kuk ta er a monster a kmo, “Hee hee hee, ngak a witch, chad er a majik, e a rechad a medakt er ngak.”
A kuk chiming a kmo, “Ngak a monster el ulbeob er a science, ngak a Frankenstein.”
E a tang a kmo, “Ak mla obes el mad. Me ngak a zombie.”
A rechad el rokui a kuk oker ngii el Komi el Chad.
“Kau kuk ngera el monster?”
“Ngak a komi el chad.”
Tirka el rokui el monsters a chocherchur el kirel ngkal Komi el Chad.
Ngka el Komi el Chad a dmak rulir tirka el monsters e oldingel a bek el blai el oldiu el kmo,
“Trick or treat, trick or treat. Beskemam a kyande e a llak a ki trick er kau!”
e te ngmai a kyande ma omiange er a rechad el ngara aika el blai.
E dirrek el tirka el monsters a merous a huseng el mo er a mekekerei el rengalek er a bleuu.
A huseng er a ngka el Komi el Chad a kmal ungil omiange, a rengalek a kmal ungil a rengrir.
A Jack-o-Lantern a kmo, “Okay, de bora bitang el tonari. Dorael e Komi el Chad.”
Tir el rokui el monsters a mlo er a bek el obliil e mekeek a suolir er a kyande ma omiange.
Se er a lmechosem a klok er a beluu e ng mla mo osoi me tirka el monsters a lueta el mo remei.
Ngka el Komi el Chad a oker er a chiming er tir el kmo.
“Halloween a kmal omosiroi. Me de luut el lousekool er ngii er a klukuk.”
A Zombie a kmo, “Eh, Ngera ke mesaod e Komi el Chad. Halloween a di chelecha el sils.”
E tirka el monsters a mocha melubet a mask er tir ma bilir.
Ngkal kabojang monster a mle kekerei el buik el Antonio.
e ng ke el witch a mle redil el Rebecca.
Tirka mle oubail a kostum el kirel a Halloween. E ng di Komi el Chad a dimlak el lodengei.
E a Rebecca a kmo, “Ke mekerang e Komi el Chad, mngubetii a mask er kau.”
A Antonio a kmo, “Chochoi, ngdirrek el diak el soam tilcha mo bail er ngii ngdaik?”
A Rebecca a mocha melubet er tia el kasa el btelul a Komi el Chad.
A Komi el Chad a oldiu, “Ittai, Akkai!”
“Aaaaaaargh!!”
Tia er a lolchesuar er a btelul a Komi el Chad a diak el mengubet e ng oldiu.
E ngii kmo, “Ngka el Komi el Chad a diak el chad.”
Tir el rokui el chad el ulbengkel a mengeroid er tir er ngka el Kmoi el Chad e le te medakt.
A Antonio a kmo, “Mcheridau er tiang e monster,” el mo er a Komi el Chad.
“Tuobed er tia el beluu e bom ruchorch er a doab kau el komi.”
Tir el rokui el chad a mocha melekoi a mekngit el kirel ngii el Komi el Chad.
A chisel ngii el Komi el Chad a mocha klou ais er a beluu.
A rechad er a beluu a melekoi el kmo, “Ngarngii a Komi el Chad.”
“Ngkomi el monster el ngara chelsel a beluu.”
Se el soal mengedecheduch a Komi el Chad, a rechad a di mereched el kmo,
“Bor cheroid er ngak, ka kmal mekngit a bum ak mo el mo baiking e bedui el uaikau.”
Ngka el Komi el Chad a dengchokl er a bkul a rael, e mekngit a rengul.
E ng kuk tuobed a chiming el buik e me mesang.
“Ah, kau ngke el Komi el Chad, el bleob el di komi eh?”
A Komi el Chad er a lobult, e ng mesang a buik el di chab er a btelul el mo er a chochil.
Ngka el buik a dimlak el chiis ma lechub e ng medakt er ngii el Komi el Chad.
E ngii a kmo, “Ngak a Lubicchi, ak melatech a blil a ngau er a blai. Ke uangerang?”
“. . . Ehhhhh”
“Alsekum e ng diak a klem, ngbai de beskau a ngklem e ng kung. El ua. . .
e le ke mle meob er a temel a Halloween, mada ngklem a Halloween Poupelle.”
“Halloween Poupelle, ngerang me ke ngar tiang el kora samishii?”
Poupelle a onger, “Ngdiak a chad el soal milil lobengkek.”
A Lubicchi a chocherchur er a tekingel a Poupelle.
“A uchul e ng uaisei, kau el kmal dechudech e bediu a bum.”
A Poupelle a okotte, “Ngerang me ke melekoi el uaisei, kau meke dirrek el dechudech e chedelkelek e Lubicchi.”
A Lubicchi a kmo, ”Ak dirke mlo merek el oureor el melatech a bill a ngau, mak di dechudech.”
A Poupelle a oker, “Tilecha el ureor e ng diak el urelir a remeklou el chad?”
“Ngdiak a demak, me ng kirek el oureor el olngeseu er a delak.
Ngdi kau e Poupelle a bediu ma uchul e ng diak a chad el soal kau. Bai mngotechau er a hose.”
A Poupelle a rau a rengul, “Ehh? Tilechang e ng daijob?”
A Lubicchi a kmo, “ Ngkirek el risuak me ng sebechek el tmuu er a blai. Kau me ke dirrek.”
A Poupelle a oker, “Ngera uchul me eng diak bor cheroid er ngak e Lubucchi?”
“Ak kora medengelii tilecha el bum. Lecha mechut el subelngek a obengkel a ilecha el komi.”
A Lubicchi a ngotchii a bedengel a Poupelle el rokir.
A ike el dengitch ma chutem a di mlo diak er a bedengel, e direk el mlo ungil a bull a Poupelle.
A Poupelle a ungil a rengul, “Kmal mesulang e Lubicchi.”
A Lubicchi a tminget a isengel e kmo, “Woaa . . . ngdi ngerem a dirke bedui. Ka mo ltobed a telim.”
A Poupelle a otobed a telil, e a Lubicchi a turengur.
“A aa, tokubets el bedui. A telim a mekngit el yolt. Om haburash e ng daik el ngosukau. Buaha!”
Tir el terung a kmal mle ta rengrir, e milil el mo osoi.
A delal a Lubiichi a oker, “Lu, ke ulsekool lobengkel ngke el Komi el Chad?”
“Chochoi e okasang. A Poupelle a ungil chad.”
“Ka kmal di ua otosang er kau el kmal semeriar a tekoi.”
A demal a Lubicchi a di mle ngii el tang a chad er a chei er tia el beluu, e ng di ngii a ririid er se er a mla mo merek el rakk.
Te di miltik er a bilsengel el mla meteruud er a bkul a cheldukl e diak el betik er ngii el demal a Lubicchi.
A rechad er a beluu, a mle omdasu el ngarngii a mekngit el chelid er a daob, me eng diak a chad el kirel mo tuobed;
ma rechad a melekoi el kmo “a demal a Lubicchi a dimlak el lorenges e di mle ngii el remiid.”
A Lubicchi a oker er a delal, “Eh okasang, ngera mle soam er a Otosang?”
“A otosang a mle merur e omosiroi er a bek el taem, uaisei e ng diak e rungalek? E se el ungil a rengul e ng suldii a eungela isengel el loba chimal uaisei.”
A bol klukuk, e a Poupelle ma Lubicchi a olngasech er bebul a blai el lulngetmokel er ngii.
A Poupelle a kmo, “Ak medakt el mo er bab, e Lubicchi.”
A Lubucchi a melekoi, “Kmal di dajob, ke di oreked er kau. Kmal mo meses a yolt, meke mo kerkikl me ng diak el sebek e ruebet a koklem.”
A Poupelle a oker, “Mla ta el morbetii a koklem?”
A Lubicchi a onger, “Chochoi. Rirebet a cholbingelek el ngarngii a siasing er a otasang er ngak.
Se di mle chiming el siasing er a demak el kulbang. Ak mlo osiik er ngii, e dimlak betik er ngii.”
A Lubicchi a millutk el bedul a dobu el rirebet a cholbingelel er a chelsel.
“Rirebet el tmuu er se el dobu el omaoch el bedul a blil a komi.”
“Poupelle, ke medengei a btuch?”
A Poupelle a rau a rengul, “A btuch?”
A Lubicchi a ouchais, “Tia el beluu a blart er a eungel a chat, uaisei? Me ng diak el sebeched el mes a btuch el ngara yanged.”
“Ngdaik el di chimong ngtebelong. Ng telael, teruich el telael e muut el betok er a ochur el kdung.”
A Poupelle a diak el oumerang, “Ka kmal cheblad, ke di mengebelung e ng diak?”
“. . . A otosanga miles a btuch se el bora chei, se el borngii e ng diak a chat ra melidiul,
e se el lomes e ng betok el betok el btuch el lomerek ra yeanged.
Ngdi rechad er a beluu a dimlak el loumerang er a otosang, e se er a lriid e ng mle bulak el chad.
Ngdi otosang a dilu el kmo “ngarngii a btuch er a bebul a chat er a beluu” e mekera bo do ues.”
A Lubicchi a melekoi e omes er a yeanged e ng di mes a chat.
“Moumerang, tokuni a lsekum e ng di kau el tang.”
A bol kukuk, a Poupelle a mo er a basio el mengiil er a Lubicchi, e ng di ngii telkib el bediu a bul.
Ma kuk ngiaos ma ngiosel, eng kuk muut el kmal tobed a bull el kmal bediu.
A Lubicchi a kmo, “Poupelle, erengelel a taem el do latech er kau e ng di kau a di merael mo bediu.”
A Lubicchi se el lolekoi er a Poupelle e ng mertii a isengel le ng kmal mla mo hidoi a bul.
A kuk tara er a sils.
A Poupelle a mlei el kora ngodech a teletelel er a aika el mla mo merek el sils.
A Lubicchi a oker,“Ke kelsakl e Poupelle? Ke mla mekerang me ke kora telmall?”
Se el dingal el komi el ngara bita el btelul a mla ruebet.
A Poupelle a kmo, “A rechad a kmu el kmo ak omriid er a beluu.”
A Lubicchi a oldiu er a dingal, “Sebechem el rongesak?”
A Poupelle a ouchais, “Ngdiak, tia el bita el dingak a mle ruebet me ng diak rongesii a ngerang.”
A Lubicchi a ngmasech a rengul, “Te kuk mle Antonio ma sechelil a tomellau? Te mekngit el chad.”
A Poupelle a di kmo, “Ngdiak a cheldechulel, ak di komii el chad, te diak el lomekereu.”
A bol kukuk, a Antonio ma sechelil a medechemii a Lubicchi.
“Oi, Lubicchi. A Dennis smecher er a tereter.
Nglecha sechelim er a Poupelle a milsa baiking.”
“A Poupelle a blechoel el melechong. Ngdiak el baiking!.”
“Lak mo oumulak! Ngke komii el bediu a bull er a bek el sils, ngdimlak lolechong.
Kau ma Otosang a bulak.”
Ngmeral tekoi el kirel a Poupelle, ngdi bediu a bul a lolecholb ma llak, mla mo betok a rechad el melekoi el kirel.
A Lubicchi a diak el sebechel mesebechakl er ngii el Poupelle.
“Ngera me ke di obengekel el komi el chad. Mchoitii e moilil lobengkemam.”
Se er a loreal a Lubicchi el mo remei e ng tmoech a Poupelle.
“Ah, Lubicchi. Dorael el mo milil.”
“. . . Ke dirke bediu a bum. Ak milchokl er a tonari er ngak er a school el kirem ma bum.
Le uchul a bum a di merael mo hidoi, ngdiak el bo el llak se el bo el betok molechong el direk.”
“Gomeng, Lubicchi.”
“Diak el sebecheck el molil lobengkem e Poupelle, le kmo el mechokl.”
A Lubicchi ma Poupelle a mlo diak el dmak el milil er a uriur er sekid sils.
A Poupelle e mle stob el melechong, ma bul ma bedengel a kmal mlo dechudech e bediu.
A yaes ma iekel a chobengkel, e di merael lmuut el mo kitanai e bediu, dimlak a ngosukii el Poupelle.
Ea rechad er a beluu a melenguul er ngii el mekngit el teletael.
Dimlak a ngidi el chad el soal mo kmeed er ngii.
A tara er a klebesei.
Mla er ngii a melengod er a mado er a room er a Lubicchi.
A Lubicchi omes er rikl, e ng mesa Poupelle, e ng di Poupelle a kmal mla mo ngodech er a lodengelii.
A bedengel a Poupelle a mla mo chedelekelk e sabiter, e mla modibus a bita el chimal.
Ngkuk mle Antonio ma sechelil a milemal er ngii el Poupelle.
A Lubicchi a mereched el open er a mado.
“Ke kelsakl e Poupelle? Kid a diak el sebeched el . . .”
“. . . Dorael.”
“Ke mesaod a ngerang?”
“Di Dorael, e Lubicchi”
“Mhalle. Matte. Ngera ngar ngii?”
“Mereched. Hayaku. Dorael er a uchei er a bo el llak a klengar er ngak.”
“Ke de mo er ker?”
“Morchedau e di mobengkek. Hayaku.”
Te mlo er a chelechol el diak a chad el mo er ngii.
“Lubicchi, bem tuu e dorael.”
“Eeh, tilecha el bilas a mechut e mo el ruchorch ra daob. Ngera ke mesaod?”
A Poupelle a otobed a betook el husen er a boket er ngii.
E melokuo a yolt el mora ikel huseng loba telil.
huff puff, huff puff.
“Oi Poupelle, ke mekerang?”
Huff puff, huff puff.
“Ngkired el mereched. A uchei er a bol llak a klengar er ngak.”
Ea Poupelle a di milokuo a betok el huseng e melechet el mo er tia el bilas el ngarngii.
Kmal mle betok er a dart el huseng a mle chelate el mora tial el bilas.
“Dorael e Lubicchi.”
“El mor. . .?”
“De mo er a bebul tail chat er a beluu.”
A Poupelle a melekoi e ngubetii a okul a bilas el mo er a beluu e omuchel el suebek el mo er bab.
“De mo omes a Btuch.”
Tia el bilas el ngarngii a Poupelle ma Lubicchi a mekekokil el suebek el mo er bab.
“Tiang daijob e Poupelle?”
Tia ketengel a Lubicchi el mesa beluu el kmal ngar bab er a bla el bo er ngii.
A denki er a beluu se el kebsengei a kmal mle omosiroi e klebokel.
“Okay, moreked a telim, a de mochu tmuu er a chat.”
Rumble kaba kaba.
Kmal mle chedelkelk a chelsel tia el chat, te diak moues a ngerang.
A otto er a Poupelle a diak el morenges er a chelsel a otto er a yolt ma derumek.
“Morkedau el sisichau e Lubicchi!”
A yolt ma otto er chelsel tia el chat a di mirael el kmal mlo mesisiich se el loreal el muut el mor bab.
“Lubicchi, ka momes er bab. A de mochu tuobed er a bebul a chat. Ke di omes eh.”
Rumble kaba kaba.
“Ahh. . . Whaa. . . Otosang a dimlak el lomulak.”
Tia el yeanged a di mui er a betok el btuch el diak el sebechel el mochur.
Telkib el taem er a lomes er a yanged, a Poupelle a mengululau er a Lubicchi.
“Se el bo riou, ke di melubet aika el huseng el lou dersechimong, ngdiak molubet el rokui el di tang.
Alsekum ke ngubet el rokui el di tang ek ke ruebet el spido, meng kirel di derschimong. . .”
“Ngera ke mesaod e Poupelle? De mo tmak moriou el terung, uaisei?”
“Ngdiak, tiakid a ulebengelel a rolek.
Ak kmal dmeu a renguk el me omes aika el btuch el lobengkem.”
“Ke ngera ke mesaod? De mo merael el terung ehh.”
“Ak ulsiik er se el cholbingelem el ble moridii er a komi steba.
A ike el komi el tmuu er se el dobu el rirebet a cholbingelem a obechakl el mora komi steba,
me ak mlo osiik er ngii er sei.”
“Ngak a komi el chad, ak milchell er a komi, me ak medengelii a chelsel a komi steba.
Ak ulsiik er ngii el cholbingelem er a bek el sils er a usiur er a bo el diak de kasoues, e ng di dimlak betik er ngii. . .
Ak ulumtab el kmo ak metik er ngii er a chelsel a tal sundei. . .”
“Ehh, sei a uchul me kedi bedui e dechudech er a bek el sils. . . Poupelle ak kmal mle mekngit er kau.”
“Ngdiak a mondai. Se er a kot el mongedecheduch er ngak,
Ak mle tibir a renguk el mo sechelim el mo cherechar, diak a ulebengelel.”
A Lubicchi a omuchel el lemangel se er a longedecheduch a Poupelle.
“E ng di se el cholbingelem a dimlak el ngara komi steba.
Ak kmal mle cheleuid.
Mle kirek el omtab er a om dmu el kmo “ak medengelii tilecha el bum.””
A Poupelle a mekengii a btelul, tia el btelul a mle mechut el kasa.
“A cholbingelem a mla er a chelsel tia el bteluk.”
A cholbingelel a Lubicchi a mle llechet lobengkel a okordelel a kasa.
“Tia el chilbingelem el mulsiik er ngii a ngara chelsel a bteluk. Tia brain er ngak.
Tia sekid el bau el modengelii el mullungel er ngii el mla er ngak.
Se er a ruebet a bita el dingak, e ng mlo diak el sebechek el lorenges er tial bitang.
Ma al sekum e ng mengubet tia al cholbingelem e ng lecha mo diak el sebechek el mengitengtik.
E ng di tia el cholbiungel a koklem. Aike el temek el lobengkem,
a kmal mle dmeu renguk el taem. Ke kmal mesulang e Lubicchi, e mechikung. . .”
Poupelle a mochu melubet er a cholbiungel er a btelul, e a Lubucchi a. . .
“MHALLE!!! DIAK!!”
A Lubicchi a chorkedii a chimal a Poupelle el stob er ngii me ng diak el lolubet er a cholbiungel.
“Ngera meke stob er ngak? Tia cholbingelem.
Tia elsekum e ng di cheltiut er ngak a Antonio ma sechelil a mo kursii el ngubetii,
e mo diak ko betik er ngii.
E mo diak el sebechem el mesa siasing er a otosang er kau.”
“Sebeched el chemiis el terung.”
“Ngdiak, a elsekum te mesekau el lobengkek,
e te mo mengesang er kau.”
“Ngdiak kumekereu. De di dmak el terung.”
“Me de kasoues er a be el sils e Poupelle. Me ng sebechek el mesa siasing er a otosang er ngak.
A dekasoues er a bek el sils e milil di ua se er a de kot el mo dmak.”
A Poupelle a omuchel el llemangel. E a uldesuel a. . .
“Ak milil lobengkel a Lubicchi er a bek el sils. . . Ngkora mle moktel er a renguk er a se era kot el mo chad.”
“E Poupelle, kmal klebokel a btuch. Mesulal el ngoikak el mei.
Ak meral ungil a renguk el mo medengelkau.”
A Poupelle a mlo merur e kmo,
“Oi em stob e Lubicchi, ak mlal merur.”
E direk el losisiu el taem eng suldii a eungel a isengel el kmal di ua otosang er a Lubicchi se er a losaod er ngii a okasang.
“. . . E Poupelle, ak dirrek el mle melchesuar el telkib el taem. . . Ak kmal oumerang er ngii!
A Halloween a sils er a delbengir a rechad el me er a beluuelchad.”
“E, ngera ke mesaod e Lubicchi?”
“Halloween Poupelle, ak medengei el kmo ke techang.”
“Ke Otosang er ngak el mle mesekak.”
THE END
